刘秉森
管理員
 
UID 8
精華
0
積分 0
帖子 1195
閱讀權限 200
註冊 2009-1-30
狀態 離線
|
[独自去偷欢] 一天記事： (四) 晚上回家
(四)回家
之所以把這一天所見所闻所思貼出來，無非想答復一些朋友所問。自己生性兴趣广泛，"周身刀，冇張利"，注定一事無成。盡管沒有值得可講的故事，但自我感觉良好。假如我有家室，我不可能独來独往咁自由了。有得必有失，我预左。
一天所行自已感觉OK了。可能在另一半的眼中(假如我有另一半)成了胡混的一天，由早去到晚，对家庭对社会你作過什么贡献？做埋D"鸡仔媒人"，你自己又有何收益？
如果有老婆，晚上返到屋企
設想場景(一)
一入门口，自己还未喘得過条氣，佢馬上劈头就問："成日烂街，电話都冇个返來，去边度？"
于是自己老实交待。無非去听下陳扬的演讲会....晚上約了朋友食飯。食完飯 就馬上回家。
"花几个鐘头去見下陳楊你就仆倒去，叫你倍我去買少少野都咁辛苦？唔通陈楊仲紧要過我？....人家陳扬識你係坑渠老鼠..."
我，無言以对
"点解食野唔叫埋我？"
"我行到边隨便揾挡野医下肚之麻，又唔係乜好野，何况你不喜欢吃麪。"
"咁，又話D蛋挞咁靓，点解买去人家处，又唔見你拎D返尼屋企？"
"新鮮出炉先好食嗜，我又唔係即刻返屋企....，最多明天再去买過返來囉。"
"唔使啦，耍叫到出口先做，食乜都冇味啦！"
我，冇声出
"咁晚上点解釋呀？一个三唔識七的"靚妹"，你咁紧張佢，嘩！仲食情侣套餐？ 都唔知你想搏乜？"
我：唸左去边呀？我同佢倾下毕业后找工作的问题....
"人地你就咁関心，又唔見你同自己个仔傾下前途大計？"
我答："个仔边有耐心听我讲呀？你叫佢都唔听啦！佢有自己的主意，你少操咦份心，講得多惹佢反感。好喇，对唔住，我唔同你拗囉，去冲凉先。"
然后闭咀，躲進浴室任由她继续数說我的历來劣迹...显然今晚耳根難得清靜了。
順便讲埋，你估我唔想同个仔倾下咩？但我們和在美国出生的下一代之間，人祢作ABC， 除了有代溝之外，还因为有成長的背景环境不同，他們是不会耐心听我們讲道理的，有時這些"竹昇仔"激到老妈子們扎扎跳，呱呱叫，并非有意和父母過唔去，而是他們認为自己比上一辈更認識美国，用我們的一套去要求他們只会惹起他們的反感，事实上，我們对美国的認識并不比他們多，因为我們还未能，甚至這一辈子都不可能融入美國的主流社会。既然如此，不如俾D信心和鼓励，让他們自已去闖吧。中国人有一句老話，同枱食飯，各自修行。這就双安無事了。何必定要拗到清清楚楚啱与唔啱，有如審案，劳氣傷神？
|
|
